والآن وبعد طول تفكير دام لأكثر من سنة ! ولكن باء بالكسل ! المهم أنا عملت مدونة أو كما تسمى في بلاد الفرنجة (بلوج)..
قعدت افكر إيه ممكن تكون أول تدوينة ليَّ , مالقتش أحسن وأجدر من الشيخ إمام عيسى وحبيبي الذي لا يعرفني ولكني اكن له الإحترام والتقدير, ليس كأي هاوي لكل ماهو وطني وحر وثائر في فترة بعد الثورة ولكني أسمع أغاني الشيخ إمام عيسى وكلمات العظيم الفاجومي من زمااان من ساعة شرايط الكاسيت !
المهم وبدون تطويل ,, كان نفسي ابلغ الناس بإن حب كل ماهو ثوري وحر ووطني شيء جميل جدا, لكن الاجمل منه انه مايكونش موضة طلعت في فترة الثورة وبعد كده خلصت زي ماحصل في حاجات كتير.
نفسي الناس تربي ولادها من وهما أطفال على حب الوطن وحب الأدب, ساخر كان أو سامي ان وجد, يعني أنا اشكر جدا أمي اللي كانت بتسمعني كلمات الأبنودي وجاهين وأنا فاكر إني على طول كنت بكره أغاني أم كلثوم وازعل جدا لما أقولها اسمعي كده الأغنية دي وتقولي "بالذمه ده كلام ", وانا باكون دايب من جمال الالفاظ وعذوبه المعاني.
لكن بعد لما بدأت أسمع كلام الفاجومي واحفظه واردده , كل مرة باقوله بحس إحساس جميل وتوصلني معاني زيادة.
ودلوقتي أنا ممكن أكون من اشد معجبين أم كلثوم وأفتكر برده إن بقى ليَّ ذوق لا بأس به في الأغاني واشعر بما لا يشعر به الكثير.
ومن هنا يضح إن تدني الذوق, يؤثر بالسلب على نشوة الأحاسيس, ممكن مثلا تلاقي سواق ميكروباص بيسمع أغنية بتقول أنا "أنا شارب تلاتة ستلا , أنا راجل قوي مش قله" أو مثلا "ادي اديلو عبيلو في شكارة أنا عمل دماغ جبارة,, وادي اديلو عبيلو فالكيس وانا عمل دماغ تهيس" وملامحه تدل على كامل النشوة بالأغنية ويضحك على كلامها ويتأثر بألفاظها ومثلا حد يشغله أي أغنية (عايز حاجة الناس تتفق عليها ) مثلا أغنية عايدة الأيوبي وكاريوكي "يا الميدان" تلاقيه بيقول "إيه يا بيه ده بس اللي إنت بتسمعه".
بالمثل بظبط
ممكن تسمع حد مثلا رائعة الشيخ إمام والفاجومي (رسالة إلى ولدي في الجبهة مع اسرائيل) يقولي إيه يا عم ده ووشه يقلب ويحسسني إني عربجي !
لكن الحقيقة إن المفردات في الأغنية وطريقة كتابة القصيدة بالصعيدي بل وغناء الشيخ إمام لها بطريقة صعيدية اصيلة بيوصلي قيمة جميلة جدا , الواضح إن ناس كتير مش بتوصلها القيمة دي, الباقي بالمثل بقى, عشان المقارنة لو بدأت مش هتنتهي.
المهم ,, رسالة إلى كل صاحب ذوق رفيع أو يحس إنه صاحب ذوق رفيع,يشير الحاجات اللي بيحبها على صفحته علي أي موقع تويتر كان أو فاسبوك أو أي حاجة !
لييييه أنا بقول كده ؟! أو اشمعنى يعني؟! مشاكلنا كلها خلصت وإنت جاي تقولي أغاني وشعر وذوق!؟
يا ايها السادة, الإرتقاء بالمشاعر والمعاني هو ارتقاء بالإنسان, والسمو الإنساني يسمو بالأخلاق, والاخلاق هي عمود وأساس أي مجتمع فالعالم, وإذا ارتقينا بالاخلاق ارتقينا بالبلد كلها بل وبالأمه كلها دليلي هنا كلام العظيم الراحل الشاعر "احمد شوقي" عندما قال "انما الأمم الأخلاق مابقيت, فين همو ذهبت اخلاقهم ذهبوا"
والأطفال إذا تعلموا السمو بنفسهم والسمو بذوقهم فيستطيعون ان يواجهوا العالم الركيك المبتذل اللي نعيش فيه (أتكلم عن كل العالم لا عن بلد فالعالم اصبح منبعا للفن الرديء إلا مارحم ربي) !
فهذا يمكن الإنسان من صغره ان يسمع كلمات الأغاني الرديئة ولا يتأثر بها وكلمة الأغاني الإنجليزية بما فيها من الفاظ ومن الممكن ان تعجبه , لكنه لا يتأثر بها وتؤثر على افعاله .
وفي الختام, لابد ان أقول, علينا العودة إلى الأصول , فبالعودة إلى الأصول يمكن حل كل الأمور !
و هنا بعض من الأغاني الجديدة من الفن الجميل اللي نفسي تتشهر :)
(زين محمود , يبكي ويضحك)
قعدت افكر إيه ممكن تكون أول تدوينة ليَّ , مالقتش أحسن وأجدر من الشيخ إمام عيسى وحبيبي الذي لا يعرفني ولكني اكن له الإحترام والتقدير, ليس كأي هاوي لكل ماهو وطني وحر وثائر في فترة بعد الثورة ولكني أسمع أغاني الشيخ إمام عيسى وكلمات العظيم الفاجومي من زمااان من ساعة شرايط الكاسيت !
المهم وبدون تطويل ,, كان نفسي ابلغ الناس بإن حب كل ماهو ثوري وحر ووطني شيء جميل جدا, لكن الاجمل منه انه مايكونش موضة طلعت في فترة الثورة وبعد كده خلصت زي ماحصل في حاجات كتير.
نفسي الناس تربي ولادها من وهما أطفال على حب الوطن وحب الأدب, ساخر كان أو سامي ان وجد, يعني أنا اشكر جدا أمي اللي كانت بتسمعني كلمات الأبنودي وجاهين وأنا فاكر إني على طول كنت بكره أغاني أم كلثوم وازعل جدا لما أقولها اسمعي كده الأغنية دي وتقولي "بالذمه ده كلام ", وانا باكون دايب من جمال الالفاظ وعذوبه المعاني.
لكن بعد لما بدأت أسمع كلام الفاجومي واحفظه واردده , كل مرة باقوله بحس إحساس جميل وتوصلني معاني زيادة.
ودلوقتي أنا ممكن أكون من اشد معجبين أم كلثوم وأفتكر برده إن بقى ليَّ ذوق لا بأس به في الأغاني واشعر بما لا يشعر به الكثير.
ومن هنا يضح إن تدني الذوق, يؤثر بالسلب على نشوة الأحاسيس, ممكن مثلا تلاقي سواق ميكروباص بيسمع أغنية بتقول أنا "أنا شارب تلاتة ستلا , أنا راجل قوي مش قله" أو مثلا "ادي اديلو عبيلو في شكارة أنا عمل دماغ جبارة,, وادي اديلو عبيلو فالكيس وانا عمل دماغ تهيس" وملامحه تدل على كامل النشوة بالأغنية ويضحك على كلامها ويتأثر بألفاظها ومثلا حد يشغله أي أغنية (عايز حاجة الناس تتفق عليها ) مثلا أغنية عايدة الأيوبي وكاريوكي "يا الميدان" تلاقيه بيقول "إيه يا بيه ده بس اللي إنت بتسمعه".
بالمثل بظبط
ممكن تسمع حد مثلا رائعة الشيخ إمام والفاجومي (رسالة إلى ولدي في الجبهة مع اسرائيل) يقولي إيه يا عم ده ووشه يقلب ويحسسني إني عربجي !
لكن الحقيقة إن المفردات في الأغنية وطريقة كتابة القصيدة بالصعيدي بل وغناء الشيخ إمام لها بطريقة صعيدية اصيلة بيوصلي قيمة جميلة جدا , الواضح إن ناس كتير مش بتوصلها القيمة دي, الباقي بالمثل بقى, عشان المقارنة لو بدأت مش هتنتهي.
المهم ,, رسالة إلى كل صاحب ذوق رفيع أو يحس إنه صاحب ذوق رفيع,يشير الحاجات اللي بيحبها على صفحته علي أي موقع تويتر كان أو فاسبوك أو أي حاجة !
لييييه أنا بقول كده ؟! أو اشمعنى يعني؟! مشاكلنا كلها خلصت وإنت جاي تقولي أغاني وشعر وذوق!؟
يا ايها السادة, الإرتقاء بالمشاعر والمعاني هو ارتقاء بالإنسان, والسمو الإنساني يسمو بالأخلاق, والاخلاق هي عمود وأساس أي مجتمع فالعالم, وإذا ارتقينا بالاخلاق ارتقينا بالبلد كلها بل وبالأمه كلها دليلي هنا كلام العظيم الراحل الشاعر "احمد شوقي" عندما قال "انما الأمم الأخلاق مابقيت, فين همو ذهبت اخلاقهم ذهبوا"
والأطفال إذا تعلموا السمو بنفسهم والسمو بذوقهم فيستطيعون ان يواجهوا العالم الركيك المبتذل اللي نعيش فيه (أتكلم عن كل العالم لا عن بلد فالعالم اصبح منبعا للفن الرديء إلا مارحم ربي) !
فهذا يمكن الإنسان من صغره ان يسمع كلمات الأغاني الرديئة ولا يتأثر بها وكلمة الأغاني الإنجليزية بما فيها من الفاظ ومن الممكن ان تعجبه , لكنه لا يتأثر بها وتؤثر على افعاله .
وفي الختام, لابد ان أقول, علينا العودة إلى الأصول , فبالعودة إلى الأصول يمكن حل كل الأمور !
و هنا بعض من الأغاني الجديدة من الفن الجميل اللي نفسي تتشهر :)
ريما خشيش",,موشح فتن الذي"
ريما خشيش",,,حرم النوم علينا"
(زين محمود , يبكي ويضحك)
نختم باللي لا يختلف عليها اتنين "فيروز" ,, يبكي ويضحك !
No comments:
Post a Comment